బ్రహ్మ కడిగిన పాదము
బ్రహ్మము దానె నీ పాదము ||
చెలగి వసుధ గొలిచిన నీ పాదము
బలి తల మోపిన పాదము |
తలకగ గగనము తన్నిన పాదము
బలరిపు గాచిన పాదము ||
కామిని పాపము గడిగిన పాదము
పాముతల నిడిన పాదము |
ప్రేమపు శ్రీసతి పిసికేటి పాదము
పామిడి తురగపు పాదము ||
పరమ యోగులకు పరి పరి విధముల
వరమొసగెడి నీ పాదము |
తిరువేంకటగిరి తిరమని చూపిన
పరమ పదము నీ పాదము ||
కామెంట్లు లేవు:
కామెంట్ను పోస్ట్ చేయండి