7, అక్టోబర్ 2015, బుధవారం

special

అందరిలోనూ స్పెషల్  గా కనబడాలని అందరి కళ్ళు మనమీదే వుండాలని ఆలోచిన్చేవాళ్ళల్లో నేను వున్నాను .అసలు ఆ ఆలోచనకి మూలం ఏమిటా అని చాలాసార్లే ఆలోచిస్తూ వుంటాను. ఇప్పటికి సరైన సమాధానం దొరకలేదనుకోండి. కానీ పట్టువదలని విక్రమార్కుడిలా శోదిస్తూనే వున్నాను.

     చిన్నప్పుడు స్కూల్ లో చదివేటప్పుడు టీచర్  నన్నే మెచ్చుకోవాలి అల్లరిచేసినా  తిట్టకూడదు అనుకునే దాన్ని . పాపం మా టీచర్స్ నా పట్ల అలానే వుండేవారు. అమ్మ నన్ను ఏంతో శుభ్రంగా తయారు చేసి రోజు స్కూల్ కి వెళ్ళేటప్పుడు మంచి బుద్దులు చెప్పి పంపేది నేను చాలావరకు అలానే ఉండడానికి ప్రయత్నించేదాన్ని టీచర్ నన్ను గుడ్ అని మేచుకోవాలని. తతిమా పిల్లలు నన్ను స్పెషల్ గా చూడాలని.

     collageలో చేరిన రోజు అమ్మ , నాన్న ఇద్దరు చాల జాగ్రత్తలు చెప్పారు (మంచి బుద్దులు చెప్పే స్టేజి దాటానని) .ఇంటి దగ్గర దించిన  తల collageలోనే ఎత్తాలని , బయటి వాళ్లతో కొత్తవాళ్ళతో అవసరం లేకుండా మాట్లాడ కూడదని , మంచి పిల్ల అనిపించుకోవాలని అలానే వున్నాను అందరు నన్నుమంచి అని మేచుకోవాలని, చాలా  స్పెషల్ అనాలని. స్పెషల్ ముందు  చాలా చేరిందేమిటా అని చూస్తున్నారా ?  మరి  collage కదా ఇంకొంచెం స్పెషల్   అన్నమాట .

     పెళ్లి కుదిరింది .ఆ రోజు రానే వచ్చింది . అమ్మ చెప్పింది అత్తగారింటిలో మర్యాదగా మసులుకోవాలి . ఎదురు మాట్లాడకూడదు . మంచి అమ్మాయి మా కోడలు అని అనిపించుకోవాలి అని . అలానే వున్నాను నా వీలినంతవరకు .మా కోడలు చాల శుభ్రం . అన్ని చాల జాగ్రత్తగా చేస్తుంది ఉంచుతుంది అనిపించుకున్నాను . 

     ఇంక పిల్లలు పుట్టుకు వచ్చారు . అమ్మ చెప్పింది పిల్లలని బాగా, జాగ్రత్తగా, మంచిగా, మర్యాదగా ఇన్నిచేరాఏమిటా అని చూస్తున్నారా . మరి బాధ్యత కూడా చేరింది కదా అమ్మవ్వగానే అందుకన్నమాట .ఇలా మనపిల్లలు కూడా అందరిలో స్పెషల్ గా కనపడాలనే తపన ఇంకా పెరిగిపోయింది . నా స్పెషల్ సంగతి మర్చిపోయి వాళ్ళ స్పెషల్ గురించి తపన ప్రయత్నం పెరిగిపోయాయి . 

     ఇవన్ని ఆలోచిస్తుంటే మళ్ళినా ఆలోచనలు తిరిగి స్పెషల్ దగ్గరే ఆగాయి  ఏంచేస్తాం కొన్ని ప్రశ్నలకి ఆలోచనలకి  సమాధానాలు దొరకడం చాల కష్టం అని ఇప్పటికి బాగా అర్ధమయ్యింది . 

     కొంతవరకు  స్పెషల్ గా  ఉండాలనే ఆలోచన  ఇతరులని  ఇబ్బంది పెట్టనంత వరకు  ఆరోగ్యకరమే కదా వచ్చిన నష్టం ఏం లేదు కదా ని సరిపెట్టేసుకోవటమే నా వంతు అయ్యింది . 

     ఆ మర్చిపోయానండోయ్ ఇప్పుడిక పిల్లలతో పాటు నేను కూడా నా స్నేహితుల మధ్య. ఇంటి చుట్టూ పక్కల వాళ్ళ మధ్య స్పెషల్ ఏ సుమండీ.అలా అయితేనే నాకు ఇష్టం అనుకోండి .

14, ఆగస్టు 2015, శుక్రవారం

సందేశం


          మొన్న ఒక కధ చదివానండి . ఎందులో అనేది ఇక్కడ విషయం కాదనుకోండి .ఇంతకీ విషయం ఏమిటి అనేగా మీరు అడిగేది వస్తున్నానండి అక్కడికే వస్తున్నాను.

          మొన్న కధ చదివానన్నాను కదా అందులో ఒక మాస్టారు పాపం కొంచెం పేద మాస్టారు లెండి తన కూతురికి కొత్తగా పెళ్లి చేసారు . మొదటి సంక్రాంతి వచ్చింది. అల్లుడిని కూతురిని ఇంటికి పిలిచి బట్టలు పెట్టి ఏదైనా గిఫ్ట్ కొనివ్వాలని ఆ మాస్టారి గారి భార్య గారి ఆశా. పాపం మాస్టారి పరిస్టితి ఇరకాటంలో పడుతుంది . ఇంకా పెళ్ళికి చేసిన అప్పులకి వడ్డీలే తెమలలేదు, ఎలారా భగవంతుడా అని ఆలోచనలో పడుతుంటారు. ఇంతలో పండగ రానే వచ్చింది . దానితో పాటే కూతురు కొత్తల్లుడు కూడా వచ్చారు. దానితో మాస్టారి కంగారు ఇంకా ఎక్కువ అయ్యింది . పాపం తన భార్యకేమో అల్లుడికి కొత్త బండి కొనివ్వాలని కోరిక . పోనీ ఏ వాచినో వుంగారమో ఐతే మాస్టారు కాస్త ఆశాజనకంగా ఉండేవారేమో .అంత చిన్నచిన్న బహుమతులు పెద్దింటి అబ్బాయికి ఎలా ఇస్తాము అందులోను కట్నం కూడా లేకుండా మనమ్మాయిని చేసుకున్నారాయే అంటారు మాస్టారి భార్య . ఇంక బండి గురించి ఆలోచించక తప్పలేదు మాస్టారికి . ఆయన పడే తర్జన భర్జన చూడలేక ఆ గొప్పింటి అబ్బాయి తనే ఒక బండి బుక్ చేసి surprise గా బండి మాస్టారే బుక్ చేసినట్టుగా ఇంటి address కి పంపి మాస్టారి చేతులమీదుగా బహుమతి గా ఆ బండిని అందుకుని తన ఇంట్లో భార్యకు అవమానం జరగకుండా ఆదుకుంటాడు . ఎప్పటికి మావగారికి ఆ విషయం తెలియకూడదని తన భార్యనుండి మట తీసుకుంటాడు . బండి ఎలా వచ్చిందో తెలియక మాస్టారు , మాస్టారే తెచ్చారు కాబోలనుకుని మురిసిపోయిన మాస్టారి భార్య , తన భర్త తన పరువు తన తల్లి తండ్రుల పరువు కాపాడి   (అతని తరఫు వాళ్ళ దగ్గర ) తనని ఉన్నత స్తానం లో నిలబెట్టడాని కూతురు మురిసిపోతారు .

          ఆ అల్లుడి ఉద్దేశం తప్పని నేను అనటంలేదు . కాని తన వాళ్ళని మోసం చేసి నట్టే కదా . ఈ కధ ద్వార మనం అత్తారికి తెలియకుండా వాళ్ళ అబ్బాయి మనకు హెల్ప్ చెయ్యడం మంచిది అని కదా చెపుతున్నాము. కాని మార్పు అనేది ఒక వ్యక్తీ లో వస్తే ఏం లాభం . మొత్తం సమాజంలో కనీసం అబ్బాయి విలువలు వున్నవాడు అంటే వాళ్ళ అమ్మ నాన్నలు ఆ విలువలను నేర్పే సంస్కారం వున్నవాళ్ళుగా వుండాలని చూపిస్తే బాగుండేది . వాళ్ళకి తెలియకుండా కొడుకు వేరే వాళ్ళకి అత్తారే అనుకోండి సమర్ధింపుగా వున్నాడనే విషయం తరవాత తెలిస్తే వాళ్ళు తల్లితండ్రులుగా ఓడిపోయినట్టే కదా .
     
     ఇలాంటి కధలు అందరికి ఒకే సందేశాన్ని ఇవ్వలేవు కదా అని . మీరేమంటారు? ఇది నేను ఈ కధ రాసిన వాళ్ళని విమర్శించాలని కాదు నా అభిప్రాయం నాలో నేను గా రాస్తున్నాను అంతే  సుమండీ . 

     నా బ్లాగ్ కదా అని ధైర్యం అంతే. అందరిని కలుపుకోగలగాలి అనే ఉద్దేశం వుండాలి కాని ఒకళ్ళకి తెలియకుండా ఒకళ్ళని సమర్ధిస్తే తరువాత తరువాత గోడవలని మనమే పెంచి పోషించినట్టు కదా .

          

         

మధురా నగరిలో చల్లనమ్మబోదు







మధురా నగరిలో చల్లనమ్మబోదు 
దారి విడుము కృష్ణా కృష్ణా  ! మధురా నగరిలో !

మాపటి వేలకు తప్పక వచ్చెద
పట్టకు నా కొంగు గట్టిగాను కృష్ణా  !మధురా నగరిలో!

కొసరి కొసరి నాతో సరసములాడకు
రాజ మార్గమిది కృష్ణా కృష్ణా
వ్రజ వనితలు నను చేరవత్తురిక 
విడు విడు నాచేయి కృష్ణ కృష్ణా  !మధుర నగరిలో!

ఈ క్రింది చరణం కూడా వుంటుందండి ఆడియో సాంగ్ లో ఆడియో కూడా విడిగా పెడదామనుకున్నాను కానీ దొరకలేదు . దొరకగానే అదికూడా వినిపిస్తాను మీకు అది ఇంకా బాగుంటుంది .

అత్తా చూసినా నన్ను ఆరడి చేయును
ఆగదమేలరా అందగాడ కృష్ణా  !మధురా నగరిలో!

12, ఆగస్టు 2015, బుధవారం

గురుపూజ

                                గురుపూజ 


మొన్న నేను గురుపూజ చూసానండి. గురుపూజ అంటే ఏదో గుడిలో బాబాగారికి పూజచేయడం కాదు . మొన్న సత్యసాయి నిగమాగమంలో శ్రీ చాగంటి కోటేశ్వర రావు గారు శంకరాభరణం సినిమా మీద ప్రవచనం చేసే సందర్భంలో ఆ వేదికపైన గురుశిష్య సంబంధం లోని విశేషాలను విలువలను గురించి చెప్పిన సందర్భంలో శ్రీశ్రీశ్రీ మంగళంపల్లి బాల మురళీకృష్ణగారికి వారి శిష్యుడు మోహన కృష్ణ గారు స్వయంగా తమ స్వహస్తాలతో గురువుగారికి పురుష సూక్త యుక్త షోడస ఉపచార పూజ చేసారు. ఎంత అదృష్టవంతులు ఆ గురు శిష్యులు ఇద్దరు.  గురువు ప్రాణాలతో నిలబడి పూజ చేసే భాగ్యం శిష్యునికి కల్పించడం శిష్యుని అదృష్టం ఐతే, పూజ చేయడానికి మనసు నిండా భక్తిని నింపుకున్న శిష్యుడు వుండడం గురువుకి గౌరవం కదా. 

    వారిద్దరి ఆనందం ఒక ఎత్తుఐతే అలాంటి దృశ్యాన్ని చూసే అదృష్టాన్ని కలిగిన వారందరి భాగ్యమే భాగ్యం సుమండీ. ఒక మనిషికి భాగవతుని ఉపచారాలన్నీ జరిపి పూజించడం కళ్లారా చూడడం నిజంగానే చాల ఒళ్ళు పులకించే సంఘటననే చెప్పాలి . 

ఆ  సందర్భంగా వారిద్దరూ కలిసి వేదిక మీద ఒక కీర్తన ఆలపించారు, బ్రహ్మాండం!


11, ఫిబ్రవరి 2015, బుధవారం

రాముడు రాఘవుడు రవికులు డితడు అన్నమాచార్య కీర్తన




రచన: అన్నమాచార్య
 
రాగం: కానడ

రాముడు రాఘవుడు రవికులు డితడు |
భూమిజకు పతియైన పురుష నిధానము ||


అరయ పుత్రకామేష్టి యందు పరమాన్నమున |
పరగ జనించిన పర బ్రహ్మము |
సురల రక్షింపగ అసురుల శిక్షింపగ |
తిరమై ఉదయించిన దివ్య తేజము ||


చింతించే యోగీంద్రుల చిత్త సరోజములలో |
సంతతము నిలిచిన సాకారము |
వింతలుగా మునులెల్ల వెదకిన యట్టి |
కాంతుల చెన్ను మీరిన కైవల్య పదము ||


వేద వేదాంతములయందు విఙ్ఞాన శాస్త్రములందు |
పాదుకొన పలికేటి పరమార్ధము |
ప్రోదితొ శ్రీ వేంకటాద్రి పొంచి విజయ నగరాన |
ఆదికి అనాదియైన అర్చావతారము ||

1, జనవరి 2015, గురువారం

HAPPY NEW YEAR

                                                    
                                              HAPPY NEW YEAR