నిత్య పూజలివిగో నెరిచిన నోహో

రచన: అన్నమాచార్య

నిత్య పూజలివిగో నెరిచిన నోహో |
ప్రత్యక్షమైనట్టి పరమాత్మునికి నిత్య పూజలివిగో ||

తనువే గుడియట తలయె శిఖరమట
పెను హృదయమే హరి పీఠమట |
కనుగొన చూపులే ఘన దీపములట
తన లోపలి అంతర్యామికిని ||

పలుకే మంత్రమట పాదయిన నాలుకే
కలకల మను పిడి ఘంటయట |
నలువైన రుచులే నైవేద్యములట
 
తలపులోపలనున్న దైవమునకు ||
గమన చేష్టలే అంగరంగ గతియట
తమి గల జీవుడే దాసుడట |
అమరిన ఊర్పులే ఆలబట్టములట
క్రమముతో శ్రీ వెంకటరాయునికి ||

తిరుమలగిరిరాయ దేవరాహుత్తరాయ

 
రచన: అన్నమాచార్య

తిరుమలగిరిరాయ దేవరాహుత్తరాయ |
సురతబిన్నాణరాయ సుగుణకోనేటిరాయ ||

సిరులసింగారరాయ చెలువపుతిమ్మరాయ |
సరసవైభవరాయ సకలవినోదరాయ |
వరవసంతములరాయ వనితలవిటరాయ |
గురుతైన తేగరాయ కొండలకోనేటిరాయ ||

గొల్లెతలవుద్దండరాయ గోపాలకృష్ణరాయ |
చల్లువెదజాణరాయ చల్లబరిమళరాయ |
చెల్లుబడిధర్మరాయ చెప్పరానివలరాయ |
కొల్లలైన భోగరాయ కొండలకోనేటిరాయ ||

సామసంగీతరాయ సర్వమోహనరాయ |
ధామవైకుంఠరాయ దైత్యవిభాళరాయ |
కామించి నిన్ను గోరితే గరుణించితివి నన్ను |
శ్రీమంతుడ నీకు జయ శ్రీవేంకటరాయ ||

చాణిక్య నీతి

చాణిక్య నీతి 

ఇవి  చదివినప్పుడు ఆ రోజులలో పాలనలో ఎన్ని జాగ్రత్తలు పాటించే వారో అనిపిస్తున్నాయి. పాలనలో కొన్ని ఖటినమైన, ఖచితమైన నిర్ణయాలు తీసుకోవడం ఎంత అవసరమో కదా .  ఎంతటి సన్నిహితులనైన మొహమాట పడకుండా కొన్నింటికి దూరంగా వుంచడం , కొందరు వ్యక్తుల వల్ల సమాజానికి దేశానికి నష్టం వాటిల్లుతుంది అనుకుంటే వారిని వెంటనే దూరం చేయడం లాంటి నిర్ణయాలను నాయకుడు తప్పకుండా పాటించాలి . ఓట్లకోసం నేరస్తులను రక్షించే పరిస్థితులు ఆ నాటి నాయకులకు లేకపోబట్టే కాబోలు ఈనాటికీ వారు చిరస్తాయిగా మన అందరి మనసులలో  జీవించే వున్నారు .

1. రహస్యం ఆయుధం లాంటిది. మన గుప్పెట్లో వున్నంతకాలం సురక్షితంగా వుంటాం.ఇతరుల చేతిలో పడిందా సంక్షోభమే ..

2. మన బలాన్ని మనం రహస్యంగా వుంచుకోవాలి . బలహీనతల్ని మరీరహస్యంగా వుంచుకోవాలి. ఈ విషయంలో తాబేలే మనకు ఆదర్శం . పై పొర చాటున తన పదాల్ని ఎంత జాగ్రతగా దాచుకుంటుంది.

3. చేయి విషతుల్యమైతే చేతిని తీసెయ్యాలి. కాలు విషతుల్యమైతే కాలునూ తెసేయాలి . ఆలస్యం చేస్తే ...  విషం నిలువెల్లా వ్యాపిస్తుంది. అవినీతి పరులూ నమ్మక ద్రోహులూ కాలకూట విషం కంటే ప్రమాదం. 

4. రాజధాని గుండె కాయ వంటిది. శత్రు గూఢచారుల ప్రాబల్యం అక్కడా విస్తరించిందంటే ... అది నాయకుడి వైఫల్యం, మొత్తం పాలనా వ్యవస్థ వైఫల్యం.

5. చిల్లుల పాత్రలో నీరు నిలువ ఎంత అసాధ్యమో ...  చంచల స్వభావుల నోట్లో రహస్యాలు దాగడమూఅంతే అసాధ్యం . అలాంటి వ్యక్తులకు కీలక సమాచారం తెలియనివ్వకూడదు .

అమ్మమ్మ ఏమమ్మ అలమేల్మంగ నాంచారమ్మ |

రచన: అన్నమాచార్య
కొంచెం  అరుదుగా వినే పాట చాలా బాగుంది. చూస్తూ వినండి ఇంకా బాగుంది.

 
అమ్మమ్మ ఏమమ్మ అలమేల్మంగ నాంచారమ్మ |
తమ్మియింట నలరుకొమ్మ ఓయమ్మ ||

నీరిలోన తల్లడించే నీకే తలవంచీ
నీరికింద పులకించీ నీరమణుండు |
గోరికొన చెమరించీ కోపమే పచరించీ
సారెకు నీయలుక ఇట్టె చాలించవమ్మ ||

నీకుగానే చెయ్యిచాచీ నిండాకోపమురేచీ
మేకొని నీవిరహాన మేను వెంచీని |
ఈకడాకడి సతుల హృదయమే పెరరేచీ
ఆకు మడిచియ్యనైన ఆనతియ్యవమ్మా ||

చక్కదనములె పెంచీ సకలము గాలదంచి
నిక్కపు వేంకటేశుడు నీకే పొంచీని |
మక్కువతో అలమేల్మంగ నాంచారమ్మ
అక్కున నాతని నిట్టే అలరించవమ్మ ||

సర్వాంతరాత్ముడవు శరణాగతుడ నేను |

రచన: అన్నమాచార్య

సర్వాంతరాత్ముడవు శరణాగతుడ నేను |
సర్వాపరాధినైతి చాలుజాలునయ్యా ||

వూరకున్నజీవునికి వొక్కొక్క స్వతంత్రమిచ్చి |
కోరేటియపరాధాలు కొన్ని వేసి |
నేరకుంటే నరకము నేరిచితే స్వర్గమంటూ |
దూరువేసేవింతేకాక దోషమెవ్వరిదయ్యా ||

మనసు చూడవలసి మాయలు నీవే కప్పి |
జనులకు విషయాలు చవులుచూపి |
కనుగొంటే మోక్షమిచ్చి కానకుంటె కర్మమిచ్చి |
ఘనము సేసేవిందు కర్తలెవ్వరయ్యా ||

వున్నారు ప్రాణులెల్లా నొక్కనీగర్భములోనే |
కన్నకన్న భ్రమతలే కల్పించి |
యిన్నిటా శ్రీవేంకటేశ యేలితివి మమ్ము నిట్టె |
నిన్ను నన్ను నెంచుకుంటే నీకే తెలియునయ్యా ||

కొన్ని ముత్యాలు

 కొన్ని ముత్యాలు మనందరి కోసం

1. నిజమైన పని ఇతరులకు సేవ చేయడమే .

2. వంద కళలలో ప్రవేశించడం కన్నా ఒక్క కళలో పరిపక్వత సాధించడం  మంచిది .

3. ఇతరుల కష్టాలలో పాలుపంచుకునే వారికి నిజమైన మిత్రులు లభిస్తారు .

4. పని చేసే ప్రతీసారి సత్ఫలితాలు రావు. కానీ పని చేయకపోతే ఏ ఫలితం ఉండదు .

5. నీవు సంతోషంగా ఉండు. నీ సంతోషాన్ని నలుగురితో పంచుకో. ఇదే అసలు సిసలైన సంతోష రహస్యం.

6. ఎంత ఉపయోగించినా తరగనిది , అరగనిది విజ్ఞానం.

7. కాలాన్ని సరిగ్గా నిర్వహించుకున్న వ్యక్తి, మనసును సవ్యంగా నిర్దేసించుకుంటాడు.

8. మనం నమ్మి పోరాడే క్రమలో ఓటమిని చూసి ధైర్యాన్ని వదులుకోకూడదు .

9. ఒక సజ్జనునికి చిరునవ్వు, దానగుణం, న్యాయబుద్ధి , మంచి మాటలు ముఖ్యం .

10. ఆత్మాభిమానం, పవిత్రహృదయం ఉన్న మనిషి, ధనంలేని పేదవాడైనా ప్రపంచంలో శ్రేష్టుడు.

చాలదా హరి నామ సౌఖ్యామృతము దమకు అన్నమాచార్య కీర్తన

రచన: అన్నమాచార్య కీర్తన
రాగము : హంసధ్వని

చాలదా హరి నామ సౌఖ్యామృతము దమకు |
చాలదా హితవైన చవులెల్లను నొసగ ||

ఇది యొకటి హరి నామ మింతైన జాలదా |
చెదరకీ జన్మముల చెరలు విడిపించ |
మదినొకటె హరినామ మంత్రమది చాలదా |
పదివేల నరక కూపముల వెడలించ ||

కలదొకటి హరినామ కనకాద్రి చాలదా |
తొలగుమని దారిద్ర్యదోషంబు చెరుచ |
తెలివొకటి హరినామదీప మది చాలదా |
కలుషంపు కఠిన చీకటి పారద్రోల ||

తగువేంకటేశు కీర్తనమొకటి చాలదా |
జగములో కల్పభూజంబు వలె నుండ |
సొగసి యీవిభుని దాసుల కరుణ చాలదా |
నగవు జూపులను నున్నతమెపుడు జూప ||