శారద విభావరి

1, జనవరి 2015, గురువారం

HAPPY NEW YEAR

22, సెప్టెంబర్ 2014, సోమవారం

గోవిందాశ్రిత గోకులబృందా అన్నమాచార్య

రచన: అన్నమాచార్య

గోవిందాశ్రిత గోకులబృందా |
పావన జయజయ పరమానంద ||

జగదభిరామ సహస్రనామ |
సుగుణధామ సంస్తుతనామ |
గగనశ్యామ ఘనరిపు భీమ |
అగణిత రఘువంశాంబుధి సోమ ||

జననుత చరణా శరణ్యు శరణా |
దనుజ హరణ లలిత స్వరణా |
అనఘ చరణాయత భూభరణా |
దినకర సన్నిభ దివ్యాభరణా ||

గరుడ తురంగా కారోత్తుంగా |
శరధి భంగా ఫణి శయనాంగా |
కరుణాపాంగా కమల సంగా |
వర శ్రీ వేంకట గిరిపతి రంగా ||

19, సెప్టెంబర్ 2014, శుక్రవారం

దాచుకో నీపాదాలకుదగ నే జేసినపూజ లివి అన్నమాచార్య కీర్తన

రచన: అన్నమాచార్య

రాగం: ఆరభి

దాచుకో నీపాదాలకుదగ నే జేసినపూజ లివి |
పూచి నీకీరీతిరూపపుష్పము లివి యయ్యా ||

వొక్క సంకీర్తనె చాలు వొద్దికై మమ్ము రక్షించగ |
తక్కినవి భాండారాన దాచి వుండనీ |
వెక్కసమగునీ నామము వెల సులభము ఫల మధికము |
దిక్కై నన్నేలితి వీ ఇక నవి తీరని నా ధనమయ్యా ||

నా నాలికపైనుండి నానాసంకీర్తనలు |
పూని నాచే నిన్ను బొగడించితివి |
వేనామాల వెన్నుడా వినుతించ నెంతవాడ |
కానిమ్మని నాకు ఈ పుణ్యము గట్టితి వింతేయయ్యా ||

యీమాట గర్వము గాదు నీ మహిమే కొనియాడితిగాని |
చేముంచి నాస్వాతంత్ర్యము చెప్పినవాడగాను |
నేమాన బాడేవాడను నేరము లెంచకుమీ |
శ్రీమాధవా నే నీదాసుడ శ్రీవేంకటేశుడవయ్యా ||

25, ఆగస్టు 2014, సోమవారం

దేవ దేవం భజే దివ్యప్రభావమ్ అన్నమాచార్య కీర్తన

రచన: అన్నమాచార్య

రాగం: ధన్నాసి

దేవ దేవం భజే దివ్యప్రభావమ్ |
రావణాసురవైరి రణపుంగవమ్ రామం ||

రాజవరశేఖరం రవికులసుధాకరం
ఆజానుబాహు నీలాభ్రకాయమ్ |
రాజారి కోదండ రాజ దీక్షాగురుం
రాజీవలోచనం రామచంద్రమ్ ||

నీలజీమూత సన్నిభశరీరం ఘనవి-
శాలవక్షం విమల జలజనాభమ్ |
తాలాహినగహరం ధర్మసంస్థాపనం
భూలలనాధిపం భోగిశయనమ్ ||

పంకజాసనవినుత పరమనారాయణం
శంకరార్జిత జనక చాపదళనమ్ |
లంకా విశోషణం లాలితవిభీషణం
వెంకటేశం సాధు విబుధ వినుతమ్ ||

22, ఆగస్టు 2014, శుక్రవారం

అన్నమాచార్య కీర్తన నానాటి బతుకు నాటకము

చాలా రోజుల తరువాత పెడుతున్నానని అలిగి వినకుండా వదిలేయ్యకండి . మీకు పరిచయమున్న పాటే . కానీ M.S.సుబ్బలక్ష్మిగారు పాడారు. ఆవిడ పాడినపాట అంటే చెవిలో అమృతం పోసినట్టే కదా. మీరు కాదనరనుకోండి . మరి ఇంకెందుకు ఆలస్యం వినేయ్యండి .ఆఆ ఎలావుందో చెప్పడం మార్చిపోయే అంత మైమరచిపోకండి .

నానాటి బ్రతుకు నాటకము

రచన: అన్నమాచార్య

రాగం: ముఖారి

నానాటి బతుకు నాటకము
కానక కన్నది కైవల్యము ||

పుట్టుటయు నిజము, పోవుటయు నిజము
నట్టనడిమీ పని నాటకము |
యెట్టనెదుటి కలదీ ప్రపంచము
కట్ట గడపటిది కైవల్యము ||

కుడిచేదన్నము కోక చుట్టెడిది
నడుమంత్రపు పని నాటకము |
వొడి కట్టుకొనిన ఉభయ కర్మములు
గడి దాటినపుడే కైవల్యము ||

తెగదు పాపము, తీరదు పుణ్యము
నగి నగి కాలము నాటకము |
ఎగువనే శ్రీ వేంకటేశ్వరుడేలిక
గగనము మీదిది కైవల్యము ||